" زى بكره" شعر سمير البحيرى .

قصيدة بعنوان 
: " زى بكره" شعر سمير البحيرى .
...........................................................
ما انت عارف
إن مش فاضل كتير
كل يوم بيفوت
باشوفك
يعنى ايه الشوق وناره؟
هوه مين كان باختياره؟
يبدأ الحب الكبير
ويلاقيك موجود قُصاده
ده اللى بس
يجيب فى سيرتك
بانكوى بالنار ...واغيير
والميعاد قرّب خلاص
بالكتير بقى زى بكرة
ما انت عارف .
ان مش فاضل كتير
....................زز
لو نويت ع الهجر
قولّى
هـ أقبله
ومن غير مبرر
تفرق أيه لو قلبى حبّك؟
ونت بتطوّل فى هجرك
عمرى تانى ما احب غيرك
بالكتير هـ آخد عزاك
واعتبر موتك مصير
يا حبيبى نا عمرى
ما ازعل
يوم ما ادوق فى الحب هجرك
مش هـ اقول غير
كنت نكره
ورده حبّيت حب نادر
كل يوم هـ تزيد عبير
ما انت عارف
..................
لو لقيتك لسه باقى
على المودة
لسه شايف قلبى وردة
قلبى عايش لانتظارك
والزمن هـ يفوت يطير
والدقيقة تكون ثوانى
نهر شارب من حنانى
ومش هـ اقولك:
خُد وعبّى
ده انت تشرب كل قلبى
واعتبر حبك عصير
ده اللى باقى
يادوب ساعات
والأميرة تشوف أمير
ما انت عارفان مش فاضل كتير.