نصائح خالتك زكية .. لجوازة متهنية

نصائح خالتك زكية .. لجوازة متهنية
1- جوزك على ما تعوديه .. بس ابنك هيوريكي اللي عمرك ماشفتيه
2- ما يدخلش عليكي بهدية .. تقولي له فين التوم عايزة اعمل تقلية

3- بلاش البوز وقلبه الوش .. لحياتك هتبقى كلها مش

4- جلابية البصل و التوم .. متنفعش تكون جلابية قعدة و لا نوم

5- اضحكي في وش جوزك و ابسطيه .. يحبك و يتمنى يديكي حتى عينيه

6- جوزك و هو نايم محدش يصحيه .. ليقوم مزاجه وحش و مش هتعرفي تسكتيه

7- روحي عند جارتك ومتطوليش .. احسن في مرة يقولك روحي و متجيش

8- اسمعي كلام حماتك و ارضيها .. تكسبي قلب ابنها و تكسبيها

9- خلافاتكم متحكيهاش لحد .. لتبقوا لبانه في بق كل حد

10- حبي جوزك و خليكي حنينة عليه .. ميقدرش يستغنى عنك و لا يقدر انك في يوم تسيبيه

11- خللي بالك من مراتك وحطها في عينيك .. تخاف هي من الهوا الطاير عليك

12- متدخلش من الشغل مكشر و قرفان .. ما هو كل واحد فينا مليان تعبان